ഒരു ചാനെലില്‍ നിന്ന് മറ്റൊന്നിലേക്ക്‌ പറന്നു വെട്ടുന്ന ചേകവന്മാരെക്കൊണ്ട് പൊറുതി ഇല്ലാതായിത്തുടങ്ങി.
മലയാള സിനിമയിലെ നിത്യ ഹരിത നായകരെപ്പോലെ , ചാനെല്‍ ചര്‍ച്ചകളിലും ഹരിതന്മാര്‍ ഏറെയുണ്ട്.
സ്ഥിരം നായകന്‍റെ സാമ്പിള്‍ ഇതാ .
തലക്കെട്ട്‌ കടം എടുത്തതിന് മഹാനുഭാവന്മാരായ എം.ടി യോടും ഹരിഹരനോടും മാപ്പ്. പക്ഷെ ഇതൊരു അഭിനവ വീര ഗാഥയാണ്.
മലയാളം ടി വി ചാനെലുകളില്‍ ആണ് ശ്രീമാന്‍ സ്ഥിരമായി അങ്കം കുറിക്കുന്നത്.
" ഹെന്‍റെ ചാനെലാര്‍ കാവില്‍ അമ്മയാണെ, എ .ഐ. സി .സി പരമ്പര ദൈവങ്ങള്‍ ആണെ , ഇത് സത്യം ,സത്യം, സത്യം "
അവതാരകന്‍: ഇന്ന് ഈ വിഷയത്തില്‍ പ്രതികരിക്കാന്‍ , ശ്രീ. തൊമ്മി ദ നോര്‍ത്തേണ്‍ , നമ്മളോടൊപ്പം ഉണ്ട്. വേറെ ചിലരെയും വഴിയെ പ്രതീക്ഷിക്കുന്നുണ്ട്. ആദ്യമായി , ശ്രീ. നോര്‍ത്തേണ്‍ , സ്വാഗതം. ഇന്ന് നമ്മുടെ വിഷയം , വരാന്‍ പോകുന്ന പാര്‍ലമെന്റ് തെരഞ്ഞെടുപ്പാണ്. അതിലേക്കു കടക്കുന്നതിനു മുമ്പായി ഒരു ചോദ്യം. ഏറെ പ്രത്യേകതകളുള്ള ഒരു പേരാണല്ലോ താങ്കളുടേത്. തീര്‍ത്തും വിധേയനായ ഒരു തൊമ്മി ആണ് താങ്കള്‍ എന്ന് ഞാന്‍ പറഞ്ഞാല്‍ , അത് നിഷേധിക്കുന്നുണ്ടോ?
തൊമ്മി : ന്യിഗേഷ് , ഞ്യാന്‍ ഒരു ഗാര്യം ആദ്യംമായി പറയട്ടെ. ഹെന്‍റെ മലയാലം കുരച്ചു കുരച്ചു വിത്യാസം ഉണ്ട്. ഐ ,മീന്‍ , ദ റീസണ്‍ ഈസ് , ഐ വാസ് ടോടല്ല്‍ി ബ്രോട്റ്റ് അപ് ആന്‍ഡ് എജ്യുക്കെറ്റെദ് ഔട്ട് സൈഡ് കെരാലാ , യു നോ .ബട്, ദസെന്ട് മാറ്റര്‍ മച്ച്. നൌവ്, കാന്‍ യു റിപീറ്റ് ദ കൊസ്ട്യേന്‍ ,ഇഫ് യു ,ഡോണ്ട് മൈന്‍ഡ് ?
അവതാരകന്‍: ശരി , മി. നോര്‍ത്തേണ്‍ , ചോദ്യം ആവര്‍ത്തിക്കാം. താങ്കള്‍, പേര് സൂചിപ്പിക്കുന്നതുപോലെ തന്നെ , തീര്‍ത്തും ,വിധേയനായ , തൊമ്മി തന്നെയല്ലേ? ഞാന്‍ ഉദ്ദേശിച്ചത് , ഭാസ്കര പട്ടേലരുടെ തൊമ്മിയെ തന്നെയാണ്. അടൂര്‍ ഗോപാല കൃഷ്ണന്‍റെ പ്രശസ്തമായ സിനിമ , വിധേയനെ പറ്റി കേട്ടുകാണും. ?
തൊമ്മി : ഓ , യെസ്, യെസ് , ദാറ്റ് തൊമ്മി. ഇന്‍ ഫാക്റ്റ്, ഐ , നെവെര്‍ ഹാഡ് എ ചാന്‍സ് ടൂ വാച്ച് ദാറ്റ് മൂവീ, ബട് , ഐ കാന്‍ അന്ദെര്സ്ടാന്ട്, യു , നോ. അതേ തൊമ്മി തന്നെ ആണ് നാന്‍ എന്ന് പറഞ്ഞാലും എനിക്ക് വിരോധം ഇലല്യ. നാന്‍ എന്നും പാര്‍ട്ടിയുടെ ഒരു വിനീത ദാസനാണ്‌. യു നോ, വാട്ട് ഐ മീന്‍
അവതാരകന്‍: തീര്‍ച്ചയായും , ശ്രീ. നോര്‍ത്തേണ്‍ . ഈ നാന്‍ എന്ന് പറയുന്നത് ഒരു തരം വടക്കന്‍ ചപ്പാത്തി അല്ലെ? ഞാന്‍ എന്നായിരിക്കും ഉദ്ദേശിക്കുന്നത്?
തൊമ്മി : യെസ് ,ന്യിഗേഷ്, നാന്‍ ബ്യെസികലി ഈസ് എ വടക്കന്‍ ഫുഡ് ഐറ്റം. ആന്‍ഡ് , ഐ ആം ആള്‍സോ എ വടക്കന്‍.പ്ലീസ് , ഐ അഡ്മിറ്റ് , ഐ ഹാവ് സം ദിഫ്ഫികല്ടി ഇന്‍ മലയാലം. ബട് , നിങ്ങള്‍ , ആള്‍ക്കാരെ , മേക് ഫ‌ന്‍ ചെയ്യുന്നത് , ഐ മീന്‍ , ആക്കുന്നത് , ഷരിയായ കാര്യമല്ല.
അവതാരകന്‍: ക്ഷമിക്കണം, ശ്രീ. നോര്‍ത്തേണ്‍, കളിയാക്കാന്‍ ശ്രമിച്ചതല്ല. പക്ഷെ , നമ്മുടെ മലയാളി പ്രേക്ഷകര്‍ക്ക്‌ , താങ്കളുടെ "ന" കാരവും , "ഷകാരവും ചിലപ്പോള്‍ പുതിയ കാര്യങ്ങള്‍ ആയിരിക്കും. അതിനാല്‍ ഒന്ന് വിശദീകരണം തേടി എന്നേ കരുതേണ്ടൂ. മറ്റൊരു വിഷയത്തിലേക്ക്.താങ്കളുടെ പാര്‍ടി പ്രവര്‍ത്തന പാരമ്പര്യം ഒന്ന് ചുരുക്കി പറയാമോ?
തൊമ്മി: സീ , നാന്‍ , എന്‍റെ ഓര്‍മ വച്ച കാലം മുതല്‍ ,കോണ്‍ഗ്രസ് ,വോര്‍കെര്‍ ആണ് . ഇന്‍ ഫാക്റ്റ് , എ. ഐ . സീ. സീ . ഓഫീസില്‍ ആണ് നാന്‍ എല്ലായ്പോഴും വര്‍ക്കു ചെയ്തിരുന്നത്. സൊ, യു , കാന്‍ ,ഇമാജിന്‍ , ഐ ആം എ ഹാര്‍ഡ് വോര്‍കിംഗ് പാര്‍ടി മെമ്പര്‍.
അവതാരകന്‍: ഈയിടെയായി , താങ്കളെപ്പറ്റി ചില വിവാദങ്ങള്‍ കേള്‍ക്കുന്നുണ്ടല്ലോ. അതായത് , താങ്കള്‍ , പാര്‍ലമെന്റ് തെരഞ്ഞെടുപ്പില്‍ മല്‍സരിക്കും എന്നൊക്കെ. എന്തെങ്കിലും , വാസ്തവം ?
തൊമ്മി: നോക്കൂ , ന്യിഗേഷ് , നാന്‍ എവിടെ നിക്കണം , ഇരിക്കണം , എന്നെല്ലാം പാര്‍ട്ടി ദിസൈട് ചെയ്യും.; ഐ മീന്‍ ദ ഹൈ കമാന്‍ഡ് . എന്നെ സംബന്ധിച്ചിടത്തോളം , സോണിയാജി , രാഹുല്‍ ജീ ഇവരുടെ തീരുമാനമാണ് വലുത്. അവര്‍ തീരുമാനിച്ചാല്‍ നാന്‍ മല്‍സരിക്കും. പിന്നെ , ത്രിഷ്ശൂര്‍ എന്‍റെ സ്ഥലം ആണ്. നാന്‍ അവിടെ മത്സരിക്കരുതെന്ന് ആരും പറയാന്‍ പറ്റില്ലല്ലോ.
അവതാരകന്‍ : ( ആത്മഗതം : ദാ , പിന്നെയും ഷകാരം. ). പക്ഷെ , ശ്രീ. തൊമ്മീ , തൃശൂരിലെ പ്രവര്‍ത്തകരില്‍ ഭൂരിഭാഗവും , " കെട്ടിയിറക്കുന്ന " സ്ഥാനാര്‍ഥികള്‍ക്ക് എതിരാണ് എന്നാണല്ലോ അവിടത്തെ ജില്ലാ നേതൃത്വം പറയുന്നത്?
തൊമ്മി: ഐ ഡോണ്ട് കെയര്‍ എനി പ്രവര്‍ത്തകര്‍. ആരാണവര്‍? ഹൈ കമാന്‍ഡ് ആണ് ദിസൈദ് ചെയ്യുന്നത്. അങ്ങനെ ദിസിഷന്‍ വന്നാല്‍ നാന്‍ ത്രിഷ്ശൂരില്‍ മല്‍സരിക്കും , ദെഫ്ഫിനിട് ആയും ന്യിഗേഷ്.
അവതാരകന്‍: അപ്പോള്‍ പ്രവര്‍ത്തകര്‍ പ്രശ്നമല്ല എന്നാണോ ?
തൊമ്മി: തീര്‍ച്ചയായും. പ്രവര്‍ത്തകര്‍ എന്നല്ല , ജനങ്ങള്‍ പോലും എനിക്ക് പ്രശ്ഷ്ണം അല്ല. ഹൈ കമാന്‍ഡ് ആണ് ദിസൈട് ചെയ്യുക.
അവതാരകന്‍: ഇത് വളരെ , വളരെ , ധീരമായ , ഒരു കാല്‍വയ്പും നിലപാടും തന്നെ ആണ് ശ്രീ.നോര്‍ത്തേണ്‍ . താങ്കളുടെ , പാര്‍ടിയോടും ഹൈ കംമാണ്ടിനോടുമുള്ള കൂറും , അതിനുവേണ്ടി , ജനങ്ങളെ പോലും ത്യജിക്കുന്ന രീതിയും താങ്കളെ വ്യത്യസ്തനാക്കുന്നു. അവസാനമായി ഒരു ചോദ്യം കൂടി . ഡല്‍ഹിയില്‍ , ഒരു യോഗത്തില്‍ , കേരളത്തില്‍ നിന്നുള്ള ആരോ , താങ്കളെ , തൂപ്പുകാരന്‍ എന്നോ ചായക്കാരന്‍ എന്നോ ഒക്കെ വിശേഷിപ്പിച്ചതായി കേള്‍ക്കുന്നു. എന്താണ് അഭിപ്രായം?
തൊമ്മി: സീ , ന്യിഗേഷ് , നാന്‍ അതൊന്നും കാര്യമാക്കുന്നില്ല. നാന്‍ ഒരു ഗ്രാസ്സ് റൂട്ട് വോര്‍കേര്‍ ആണ്. ഐ മീന്‍ , ഇന്നലെയും കൂടി , ഇവിടത്തെ ഗ്രാസ്സ് ലൌന്‍ , നാന്‍ മോ ചെയ്തതേ ഉള്ളൂ. പിന്നെ, ചായ കൂട്ടല്‍, ക്ലീനിംഗ് , ഇതെല്ലാം നാം ഇടക്കെല്ലാം ചെയ്യാരുള്ളതല്ലേ? ഐ ബിലീവ് ഇന്‍ ദിഗ്നിടി ഓഫ് ലേബര്‍ , യു , നോ. മഹാത്മജി പറഞ്ഞിട്ടില്ലേ , ഇന്ദിരാജി പറഞ്ഞിട്ടില്ലേ ,രാജീവ്ജി പറഞ്ഞിട്ടില്ലേ , സോണിയാജി പറഞ്ഞിട്ടില്ലേ , രാഹുല്ജി പറഞ്ഞിട്ടില്ലേ ............?( ശ്വാസം കിട്ടാതെ കിതക്കുന്നു). പിന്നെന്താ പ്രശ്ഷ്ണം?
അവതാരകന്‍:ഓകേ, ഓകേ , ശ്രീ.തൊമ്മി , താങ്കള്‍ വല്ലാതെ വികാരഭരിതനാകുന്നു. ഇതൊരു വളരെ കൃത്യമായ ഉത്തരം തന്നെ എന്ന് പറയാതെ വയ്യ. ഒറ്റ ചോദ്യം കൂടി.
തൊമ്മി: സോറി , മി.ന്യിഗേഷ് , ടൈം ഇല്ല . മറ്റു മൂന്ന് ചാനെലുകളില്‍ നിന്ന് വിളി വന്നു ക്യൂവില്‍ ആണ്. വിഷദമായി ഇനി ഒരിക്കല്‍ വിളിക്കൂ.
അവതാരകന്‍: ശരി , മി. നോര്‍ത്തേണ്‍ , താങ്കള്‍ക്ക് എല്ലാ ആശംസകളും , അല്ല , ആഷംഷകളും നേരുന്നു .നന്ദി.
